Молитва господу Иисусу Христу (иже на всякое время…): формы молитвенных обращений

Возбранный Воеводо и Господи, мира Создателю, с верою и любовию припадающе к Тебе Грядущему, вопию Ти: Иисусе, Господи Грядущий, вниди в дом души моея.Молитва Господу Иисусу Христу (Иже на всякое время...)

Икос 1

Ангелов лики со страхом и трепетом взирали на Тя, Господи, егда волею нас ради распялся Еси; мы же грешнии что возможем глаголати? Но дерзаем по слову Твоему молитися Тебе: Иисусе, радосте наша, яви нам милость Твою; Иисусе, любы неизреченная, даруй нам возлюбити Тя всем сердцем и всем помышлением. Иисусе, желание наше, не отрини нас, ищущих Тя; Иисусе, Свете Тихий, осияй нас светом благодати Твоея; Иисусе, надеждо наша, не остави нас заблуждающихся. Иисусе, вопрошающий нас: что творите вы на земли? — даруй нам творити Твоя повеления. Иисусе, не возбранивый имети образ Твой, даруй нам выну имети образ Тя Грядущаго. Иисусе, входящий в домы людей Твоих, вниди в мя и преобрази мя всего. Иисусе, даруй ми разумети, что есть благая воля Твоя; Иисусе многомилостивый, не отступи от меня за нерадение мое. Иисусе, Господи Грядущий, вниди в дом души моея.

Кондак 2

Вем, яко велие утешение имам в последовании Тебе, Господи, даруй ми николиже отступати повелений Твоих, да спасаемый Тобою зову: Аллилуиа.

Икос 2

Обещавый вечеряти с приемлющим Тя, соделай мя причастника вечери Твоея тайныя. Иисусе, стоящий и толкущий у двери сердца моего, даруй ми уразумети зов Твой; Иисусе, призывающий нас ко очищению, даруй ми познати нечистоту мою.

Иисусе, Свете истинный, просвети мя, да возлюблю заповеди Твоя; Иисусе, ищущий призвати грешных, отверзи слух мой ко услышанию глагола Твоего. Иисусе, утружденный на пути Своем, не имеющий где главу преклонити, не возгнушайся внити в дом мой.

Иисусе, вем яко наг есмь, нищ и убог, но благодатию Твоею покрый мя. Иисусе, милосте безконечная, не остави мене; Иисусе, Огнь попаляющий, попали моя злыя помыслы. Иисусе, Врачу, исцели язвы страстей моих.

Иисусе, вся могий, коснися очес моих, во еже не видети мне суеты; Иисусе премилостивый, очисти мя всего и спаси. Иисусе, Господи Грядущий, вниди в дом души моея.

Кондак 3

Глаголавый пречистыми устами Твоими: ей, гряду скоро, аминь! даруй мне со возлюбленным учеником Твоим взывати: ей, гряди, Господи Иисусе! Сего ради в трепете ожидая пришествия Твоего, зову Ти: Аллилуиа.

Икос 3

Призвавый апостолов от сетей рыбарских на служение Истине Твоей, призови и мя от суеты житейской, да последую Тебе, с веселием и любовию глаголя: Иисусе, простивый ученику Своему трикратное отречение, даруй ми его покаяние; Иисусе, совесть моя, даруй ми горько плакатися о гресех моих.

Иисусе, ни единым словом, но возрением токмо на ученика Своего приведый его к Себе, даждъ и мне слезы покаяния, коснися души моея, да раскаюся о неправде моей. Иисусе, взираяй на произволение сердечное, помилуй мя.

Иисусе, рекий апостолу Петру: гряди по Мне! повели и мне Тебе последовати; Иисусе, глаголавый: блажен еси, Симоне, вар Иона, яко исповеда Мя Сыном Божиим, — даруй и мне его исповедание истинное.

Иисусе, разрешивый сему ученику идти по водам во сретение Твое, даруй и мне силу благодатную не убоятися волн житейских; Иисусе, простерший руку к Петру утопающему, простри и мне руку помощи; Иисусе, рекий: кто не со Мною, тот против Меня, — даруй ми пребыти с Тобою. Иисусе, Господи Грядущий, вниди в дом души моея.

Кондак 4

Возлюбивый, Господи, весь род человеческий, научи и мя возлю-бити ближних моих, да просветлен и обожен Тобою, выну зову Ти: Аллилуиа.

Икос 4

Призываяй всех труждающихся и обремененных ко упокоению, даруй ми потрудитися ради имени Твоего святаго, не убоявшись зноя полуденнаго: не ведаю бо егда день мой к вечеру преклонится; и да вопию Ти: Иисусе, Свете святый, освяти повседневный труд мой; Иисусе, Утешителю, даруй ми николиже возскорбети о тягости труда сего. Иисусе, Радование мое, даруй ми понести всяку скорбь ради имени Твоего. Иисусе, даруй ми познати Царство Божие внутри себя. Иисусе, Господи Грядущий, вииди в дом души моея.

Кондак 5

Се прихожду к Безсмертному Царю и Богу моему, вопия: Аллилуиа.

Икос 5

Вем, Господи, яко скорбями, недугами и различными печалями болезни душ наших врачуеши. Со слезами вопию Ти: Иисусе, Господи, Ты Сам гонимый из храмов Твоих, даждь нам силу терпети скорби за имя Твое; Иисусе, Странником в мире являющийся, помози нам во изгнании и странствии нашем.

Иисусе, Агнче Божий, вземляй грехи мира, возьми бремя грехов наших; Иисусе пречудный, страдания за мир претерпевый, утоли наши многоразличныя скорби. Иисусе, Странниче в мире утомленный, даруй покой утомленной душе моей. Иисусе, учеников призвавый, даруй и мне небоязненно тещи за Тобою. Иисусе Господи Предвечный, благослови всех к Тебе стремящихся.

Иисусе, вся ведующий, Ты веси яко люблю Тя; Иисусе, вся могий, помози ми и прости мя. Иисусе, Господи Грядущий, вниди в дом души моея.

Кондак 6

Вем, Господи, яко тесными вратами, многими скорбями подобает внити в Царствие Небесное, — укрепи стопы наша, да не возвратимся вспять миром гюбеждаемии, но да зовем Ти: Аллилуиа.

Икос 6

На вечери в дому Симона Прокаженнаго не отринул еси грешницу, пришедшую с миром многоценным помазати нози Твоя, но рекл еси: отпущаются греси ея мнози, яко возлюбила много. Иисусе благий, реки и о моих гресех такожде; Иисусе, Пастырю Добрый, призови мя яко заблудшую овцу; Иисусе, Судие Праведный, судом Твоим вразуми мя; Иисусе, ими же веси судьбами спаси мя.

Иисусе, постивыйся в пустыне и напоследок взалкавый, даруй ми истинное алкание правды Твоея; Иисусе, быв искушен всячески, помози ми во искушениях моих. Иисусе, рекий: не может человек творити ничесоже, аще не будет дано ему свыше, — пошли ми помощь Твою с небеси; Иисусе, не уклони сердце мое в словеса лукавствия; Иисусе, Помощь моя, Заступниче мой, Радование мое, спаси мя.

Иисусе, Господи Грядущий, вниди в дом души моея.

Кондак 7

Повелел еси, Господи, быть мудрыми, искупующе время, яко дние лукави суть и время сокращенно; вразуми мя, да спасаемый Тобою, вопию благодарне: Аллилуиа.

Икос 7

Слыша Тайновидец апостол Иоанн глас с небеси глаголющий: напиши: блажени мертвии, умирающие о Господе отныне. Ей, глаголет Дух, да почиют от трудов своих: дела бо их ходят вслед с ними.

Слыша сии слова и аз ужасаюся — не имам бо дел ко оправданию и ничто же благое сотворих. Сего ради от сердца вопию Ти: Иисусе, Судие Праведный, не осуди мя по делам моим. Иисусе премилостивый, виждь нерадение мое и зло, соделанное мною, но помилуй мя.

Иисусе, не возгнушайся внити в оскверненный храм души моей; Иисусе Наставниче, научи мя. Иисусе, Сыне Божий, даждь ми нищему Твое богатство неиждиваемое; Иисусе, соделай мя рабом Твоим.

Иисусе, пусто изжих время многоценное, данное ми для спасения; Иисусе, прими мя, яко в единодесятый час пришедшаго, и научи мя оправданием Твоим. Иисусе, Господи Грядущий, вниди в дом души моея.

Кондак 8

Зриши, Господи, яко великою скорбию сердца человеческия исполняются о зле неверия во дни наши сущаго; сего ради, даруеши благодатное обновление икон святых в знамение обновления духа нашего; познав в сем всеблагое промышление Твое, благодарственно вопием Ти: Аллилуиа.

Икос 8

Дано бысть видение возлюбленному ученику Твоему, яко под олтарем избиенных за слово Божие и за свидетельство еже имеяху, возопиша гласом велиим, глаголюще: доколе, Владыко Святый и Истинный, не судиши и не мстиши крови нашея от живущих на земли.

И даны быта коемуждо их ризы белы, и речено бысть им да почиют еще время мало, дондеже скончаются и братия их имущии избиены быти яко же и тии. Слышав сие, возношу Ти скорбный глас мой: Иисусе Святый, утоли на земли нашей скорби великия; Иисусе Праведный, укрепи исповедников святыя веры, ныне люте страждущих.

Иисусе, по всей земли Российстей проходящий, очисти ю Своими стопами; Иисусе, утомленный на пути Твоем, укрепи народ, от глада и болезней погибающий. Иисусе, Сам в нищете сый, укрой от хлада и нищеты братию нашу; Иисусе, услыши вопль и плач народа русскаго.

Иисусе, приими фимиам молитв святых, в тайне Тебе подвизающихся; Иисусе, ради сих праведных, помилуй нас. Иисусе, вем яко видиши всякую каплю слез на очах наших; Иисусе, даруй нам в терпении понести крест наш.

Иисусе, вем яко слышиши каждое воздыхание скорби нашей, приими ю во очищение душ наших; Иисусе, вем яко вместо разрушенных храмов на земли Российстей созидавши храмы нерукотворенныя душ человеческих, ими же да украсится Царствие Божие. Иисусе, Господи Грядущий, вниди в дом души моея.

Кондак 9

Жажду просвещения Твоего, Господи, даруй ми жаждущему каплю благодати Твоея, да вопию Ти: Аллилуиа.

Икос 9

Ангельския силы, серафимы и херувимы и вся воинства небесныя со страхом и благоговением взирают на великое смирение твое; Ты бо Господи Сил, Царь царствующих, Господь господствующих, смирив Себя и зрак рабий приим, по земли нашей скорбной шествуеши из града в град, из веси в весь, всех созывая Сам на вечерю, Тобою уготованную: Иисусе Благословенный, благослови всех призывающих Тя; Иисусе Благий, ко грешным пришедый, призови не ищущих Твоея помощи. Иисусе, Свете незаходимый, просвети сердце народа нашего во тьме неверия сущаго; Иисусе, Свете истинный, осияй страну русскую; Иисусе, не возбранивый детям приходите к Тебе, просвети детей невинных, в безверии воспитанных; Иисусе, в тайном подвизе на всяком месте, в лесах и весях Тебе подвизающихся — сохрани. Иисусе, Великий Архиерею, иереев верных мученическую кончину Тебе ради приемлющих — укрепи; Иисусе, светом благодати Твоея возсияй в сердцах гонителей, да познают Тя, Бога Истиннаго. Иисусе, к великому всенародному покаянию нас призови; Иисусе, состраждущий нам, горе народное, глад, нужду, тьму духовную развей невечерним светом Твоим. Иисусе, призови и мя убогаго, не дерзающаго приступити к Чертогу Твоему; Иисусе, просвети одеяние души моея, да вниду в онь. Иисусе, Господи Грядущий, вниди в дом души моея.

Читайте также:  Молитвы о скором замужестве: полное собрание и священный текст

Кондак 10

Ты рекл еси, Господи: Побеждающему дам сести со Мною на престоле Моем, яко претерпевши до конца, той спасен будет. Приемля сей глагол Твой в сердце мое, в радости духовной благодарственно вопию Ти: Аллилуиа.

Икос 10

Виде апостол Иоанн народ мног, егоже исчести никто не может от всякаго языка, стоящ пред Престолом Божиим, и людей облеченных в ризы белы и слыша глас глаголющий: сии суть, иже приидоша от скорби великия и исправиша ризы своя и убелиша их в крови Агнца.

Иисусе, Веселие Истинное, возвесели душу мою; Иисусе, сподоби и мя послужити Тебе, якоже сии искупленныи от земли служат Ти день и нощь в Церкви Твоей.

Иисусе, Творче мой, сотвори, да будет ми весь мир храмом Твоим; Иисусе, научи мя, да будет сердце мое престолом Тебе, и таинство жизни Твоея да совершается в нем.

Иисусе Спасителю, приими от мене немощное славословие сие, яко «жертву хваления»; Иисусе, во святом причащении Тела и Крови Твоея освяти мя; Иисусе, Радосте моя, даруй ми, да в сердце моем благодарственно поклоняюся Тебе. Иисусе, Господи Грядущий, вниди в дом души моея.

Кондак 11

В немощи человечей сила Божия совершается: аз немощен и духом и телом; но укрепи мя и ободри мя благодатию Своею, да познав милость Твою, радостно воспою: Аллилуиа.

Икос 11

Рекл еси учеником Своим и всем верующим: в мире скорбни будете, но скорбь ваша в радость будет. Вем бо, Господи, Тобою реченное и вопию Ти: Иисусе, мир Твой даруй душе моей. Иисусе, помози ми, да оставлю все ради Тебе; Иисусе, даруй ми узкими вратами прийти к Тебе.

Иисусе, Свете Тихий, уготовь сердце мое на вечерю Твою; Иисусе, даждь ми все дни жизни моея послужити Тебе. Иисусе Благий, научи мя кротости и смирению, научи мя разумети нужду ближняго; Иисусе, не хотению своему, но благой воле Твоей да последую. Иисусе, скорби мира сего во спасение да послужат ми.

Иисусе, Господи Грядущий, вииди в дом души моея.

Кондак 12

Умиленным сердцем и духом радостию о Тебе исполненным предстою пред Ликом Твоим, поклоняюся милосердию Твоему и вопию: Аллилуиа.

Икос 12

К горнице Сионской на тайной вечери глаголал еси учеником Своим: мир оставляю вам, мир Мой даю вам, не якоже мир дает, Аз даю вам. Да не смущается сердце ваше, ни устрашает.

Слышав сие реченное Тобою, вопию Ти: Иисусе, укрепи мя на брань не с кровию и плотию, но с началами и с миродержателями тьмы века сего.

Иисусе, научи мя прияти вся оружия Божия, да возмогу противиться в день лют; Иисусе, препояшь чресла моя истиною и облеки мя в броню правды; Иисусе, обуй нози моя во уготование благовествования мира; Иисусе, научи мя восприяти щит веры и шлем спасения.

Иисусе, помози ми молитися молением на всяко время духом; Иисусе, умудри мя пребывати бдящим во всяком терпении; Иисусе, помози ми не угасити светильника души моея; Иисусе, даруй ми со светильником возженным внити в сретение Твое. Иисусе, Господи Грядущий, вниди в дом души моея.

Кондак 13

О, Иисусе Христе, Свете Тихий, осияй мя Истиной Твоею, да услышав зов Твой, со светильником горящим выйду во сретение Тебе, грядущему внити в дом души моея, поя Ти: Аллилуиа.

Молитва ко Господу Иисусу Христу Грядущему

Господи Иисусе Христе, Сыне Божий, — покланяемся Образу Твоему, любви Твоей и Промыслу Твоему о нас, грешных и недостойных рабех Твоих; услыши молитву нашу, с верою Тебе приносимую, прииди к нам, благодатию Духа Твоего Святаго научи, умудри пребывати в Тебе, яко же Ты пребываеши в нас; научи нас, Благий, молитве, добру и терпению; даруй нам дух сокрушения, дух покаяния; отыми от нас дух праздности, дух уныния и неведения. О, Иисусе Христе, Многомилостивый, Грядущий к нам, помилуй нас и спаси, молитвами Пречистыя Твоея Матери, ангелов и апостолов и всех святых Твоих, от века Тебе угодивших. Аминь.

При молебне поется тропарь Всемилостивому Спасу, гл. 8: “С вышних призирая, убогия приемля, посети ны озлобленныя грехми, Владыко всемилостиве: молитвами Богородицы, даруй душам нашим велию милость». Евангелие от Иоанна, зачало 50 и 51 (гл. XV, ст. 1-16).

Источник: https://vsemolitva.ru/akafist-i-molitva-gospodu-iisusu-hristu-gryadushchemu.html

Псаломщик — <

Тропарь Премудрости, глас 1:

На Престо́ле огнезра́чнем/ в Вы́шних седя́й со Отце́м Безнача́льным и Боже́ственным Твои́м Ду́хом,/ благоволи́л еси́ яви́тися на земли́, я́ко челове́к,/ исполня́я предве́чный о нас Сове́т Святы́я Тро́ицы, Христе́ Иису́се;/ сего́ ра́ди и пострада́л еси́ пло́тию,/ да спасе́ши мир и вознесе́ши избра́нныя Твоя́,/ иде́же при́сно, я́ко Бог, во сла́ве ца́рствуеши./ Сла́ва всеблаго́му Твоему́ Сове́ту,/ сла́ва прему́дрому смотре́нию Твоему́,// сла́ва неизрече́нному снизхожде́нию Твоему́, Еди́не Человеколю́бче.

  • Ин тропарь Премудрости, глас 8:
  • Прему́дрость О́тчая,/ Сия́ние сла́вы и О́бразе Ипоста́си Его́,/ в нача́ле Небеса́ и зе́млю основа́вый,/ благослови́ достоя́ние Твое́,// сохрани́ в ми́ре Це́рковь и град Твой и лю́ди Твоя́ спаси́.
  • Кондак Премудрости, глас 8:
  • Избра́нному пре́жде век соде́лати спасе́ние ми́ра,/ Вели́каго Сове́та А́нгелу, Сы́ну Бо́жию, Иису́су Христу́,/ прииди́те, ве́рнии, поклони́мся и припаде́м Ему́,/ сла́вяще неизрече́нное о нас Боже́ственное смотре́ние,/ и, я́ко изба́вленнии от ве́чныя сме́рти,/ вознесе́м Ему́, Спаси́телю на́шему и Бо́гу, благода́рственную песнь,/ душа́ми чи́стыми и нескве́рными устна́ми взыва́юще:// сла́ва Тебе́, Го́споди, сла́ва Тебе́.
  • Молитва

Влады́ко Многоми́лостиве, Го́споди Иису́се Христе́, Безнача́льнаго Отца́ Собезнача́льный и Соприсносу́щный Сы́не, Непостижи́мая Му́дросте, Непристу́пный Све́те, Вседе́тельная и Всесодержи́тельная Си́ло, всемогу́щим сло́вом Твои́м от не су́щих во е́же бы́ти приведы́й вся́ческая, и вседержа́вною во́лею Твое́ю управля́яй и устроя́яй всем благопотре́бная и поле́зная! Благода́рно испове́дуем Твое́ Боже́ственное о нас промышле́ние, велича́ем непостижи́мую та́йну Твоего́ смотре́ния, и с ве́рою прие́млем спаси́тельную благода́ть Твою́. Ты бо, неизглаго́ланная благосты́не, не по беззако́нием на́шим творя́й нам, но по безме́рному благоутро́бию Твоему́ ми́луяй и спаса́яй нас, благоизво́лил еси́, исполня́я Сове́т и изволе́ние О́тчее, истощи́в Себе́, сни́ти на зе́млю и немощно́е естество́ челове́ческое восприя́ти, в не́мже пострада́в во́лею закла́лся еси́ на кресте́, я́ко а́гнец непоро́чный, за грехи́ ми́ра, и, сим стра́шным и спаси́тельным священноде́йствием преклони́в пра́вду Боже́ственную на ми́лость, Хода́тай Бо́гу и челове́ком яви́лся еси́, и па́дшее и растле́нное естество́ на́ше возста́вил еси́, и обнови́л и освяти́л еси́, я́ко бы́ти ве́рующим в Тя и Небе́снаго Бо́га Отца́ святы́м и непоро́чным в насле́дие нетле́нно и неувяда́емо соблюде́но на Небесе́х. Те́мже мо́лимся Тебе́, Спаси́телю наш, при́зри ми́лостивно на нас, и приими́ на́ше испове́дание, хвалу́ и благодаре́ние за вся, я́же возда́л и угото́вал еси́ нам, ве́рующим в Тя и испове́дующим всесвято́е И́мя Твое́. Спаси́ Го́споди лю́ди Твоя́, и благослови́ достоя́ние Твое́. Помяни́ в щедро́тах Твои́х Це́рковь Твою́ святу́ю, ю́же стяжа́л честно́ю Твое́ю Кро́вию, утверди́, умири́, разшири́ и сохрани́ ю́ непреобори́му и непоколеби́му и а́довыми враты́, но да сокруша́тся пред не́ю и изче́знут вся сопроти́вныя си́лы, и да расточа́тся вси врази́, ви́димо и неви́димо ополча́ющиися, е́же озло́бити достоя́ние Твое́ и разори́ти заве́т святы́й Твой. Осени́ Боже́ственным благослове́нием Твои́м страну́ Росси́йскую, сохраня́я ю́ в ми́ре, благоде́нствии и тишине́, побе́ду же и одоле́ние на супоста́ты ей да́руя. Отжени́ от правове́рнаго оте́чества на́шего вся́каго ду́ха ле́стча, внося́щаго к нам пле́велы ло́жных уче́ний и си́лящагося водвори́ть у нас нра́вы и обы́чаи, проти́вныя святы́м за́поведем Твои́м; утверди́ нас в Правосла́вном испове́дании ве́ры и соде́лай нас ревни́тели оте́ческих преда́ний и вся́ких до́брых христиа́нских дел, да вы́ну сия́ет в оте́честве на́шем свет и́стинный, и сла́вится в род и род пречестно́е и пребоже́ственное и́мя Твое́. Спаси́ Го́споди и поми́луй град сей, в не́мже живе́м, и вся гра́ды и ве́си, и всю страну́ благослове́нныя па́ствы Росси́йския; всех правосла́вно ве́рующих в Тя в ми́ре, тишине́ и благоде́нствии соблюди́, Це́ркви Святе́й и вся́кому нача́лу и вла́сти послу́шны и благопоко́рны соде́лай, и все́ми христиа́нскими доброде́телями украси́, отпа́дшия же и проти́вящияся к едине́нию с Свято́ю Правосла́вною Це́рковию спаси́тельною Твое́ю благода́тию призови́, боже́ственным сло́вом Твои́м просвети́ и обрати́, я́ко Благи́й и Человеколю́бец.

Спаси́, Го́споди, и святы́й храм сей, его́же поста́вил и утверди́л еси́, я́ко столп кре́пости, да́же до сего́ дне, мно́гое число́ лет неразруши́мо и невреди́мо сохраня́я, в не́мже в моли́твах призыва́ем Тя и слу́жим Тебе́, живу́щему на Небеси́ Царю́ ве́ков, и́мже украша́ется и освяща́ется град наш и низпосыла́ется Твоя́ Боже́ственная благода́ть на вся гра́ды и ве́си страны́ на́шея. Да пребу́дет на нем, мо́лим Тя, Го́споди, и во пре́дняя в род и род Твое́ Боже́ственное благослове́ние, да прино́сится в нем вы́ну благоприя́тная Тебе́ моли́тва и да излива́ется чрез него́ на всех моля́щихся и с ве́рою призыва́ющих Тя Твоя́ спаси́тельная благода́ть, ми́лующая и избавля́ющая нас от всех бед. Помяни́, Го́споди, во Ца́рствии Твое́м раб Твои́х (имярек), воздви́гших Тебе́ сей святы́й и приснопа́мятный дом на земли́ во сла́ву прему́дрости Твоея́, явле́нныя в та́йне спасе́ния ми́ра, и в похвалу́ всечестна́го и всеблаже́ннаго успе́ния Пречи́стыя Ма́тере Твоея́, и, прости́в им вся, я́же соде́лаша, я́ко челове́цы, прегреше́ния, ве́ры ра́ди и любве́ к Тебе́, Бо́гу и Спаси́телю на́шему, возда́ждь им Небе́сными и ве́чными благи́ми в Пренебе́снем и Боже́ственнем дому́ Твое́м. Помяни́ в щедро́тах Твои́х, Ми́лостиве, преосвяще́нных иера́рхов, от созда́ния хра́ма сего́ благоукраше́нию его́ усе́рдно послужи́вших, и всех правосла́вных христиа́н, с ве́рою и любо́вию плодоноси́вших и доброде́явших в нем и ны́не святы́ми же́ртвами и благотворе́нии поревнова́вших к благоче́стию и сла́ве его́, и о́нем блаже́нное упокое́ние и ве́чное ра́дование в Ца́рствии Небе́снем, сим же здра́вие, благоде́нствие и в ве́ре и благи́х де́лех преспе́яние ко спасе́нию душ всеми́лостивно да́руй.

Читайте также:  Молитва "Отче Наш" на церковнославянском языке гражданским шрифтом (с ударениями)

Прему́дрый и Всеблаги́й Го́споди, Спаси́телю наш! Просвети́вый сия́нием прише́ствия Твоего́ ми́ра концы́, и сопризва́вый нас в Це́рковь Твою́ Святу́ю с обетова́нием насле́дия нетле́нных и ве́чных благ, при́зри ми́лостивно и на нас недосто́йных рабо́в Твои́х, и не помяни́ беззако́ний на́ших, но по безме́рному благоутро́бию Твоему́ осла́би, оста́ви, прости́ нам вся прегреше́ния на́ша. А́ще бо и преступа́ем святу́ю во́лю Твою́, но не отмета́емся Тебе́ Бо́га и Спа́са на́шего: Тебе́ еди́ному согреша́ем, но и Тебе́ еди́ному слу́жим, в Тя еди́наго ве́руем, к Тебе́ еди́ному прибега́ем и Твои́ то́чию раби́ бы́ти хо́щем. Помяни́ не́мощь естества́ на́шего и обдержа́щия нас повсю́ду искуше́ния врага́ и пре́лести и собла́зны ми́ра, и́хже ра́ди без Тебе́, я́коже рекл еси́, не мо́жем твори́ти ничесо́же, и Сам очи́сти и спаси́ нас, Сам просвети́ умы́ на́ша, е́же непоколеби́мо ве́ровати в Тя, Еди́наго Спа́са и Изба́вителя на́шего, Сам подви́гни сердца́ на́ша е́же всеце́ло люби́ти Тя, Еди́наго Бо́га и Творца́ на́шего, Сам напра́ви стопы́ на́ша, е́же непреткнове́нно ходи́ти во све́те за́поведей Твои́х. Ей, Го́споди, Спаси́телю наш, яви́ нам вели́кую и бога́тую ми́лость Твою́, и́же по неизглаго́ланной любви́ Твое́й и страда́ти за нас изво́лил еси́, и всеси́льною Боже́ственною Твое́ю благода́тию, предста́тельством же Пречи́стыя и Пренепоро́чныя Святы́я Ма́тери Твоея́ Мари́и, Ея́же честно́е и блаже́нное успе́ние и к Тебе́, Сы́ну и Бо́гу, Пренебе́сное возше́ствие ны́не пра́зднуем, и моли́твами уго́дников Твои́х, страну́ на́шу честны́ми телесы́ освяща́ющих и вы́ну пред Тобо́ю за нас хода́тайствующих, сотвори́, да в преподо́бии и пра́вде поживе́м вся дни живота́ на́шего, и та́ко досто́йни бу́дем во второ́е сла́вное прише́ствие Твое́ услы́шати от Тебе́ ми́лостивое призыва́ние в Ца́рствие Небе́сное, е́же получи́ти сподо́би нас, гре́шных и недосто́йных рабо́в Твои́х, и в наслажде́нии неизрече́нных красо́т его́ сла́вити Тя вку́пе с Безнача́льным Твои́м Отце́м и Присносу́щным Боже́ственным Ду́хом во ве́ки веко́в. Ами́нь.

Велича́ем Тя,/ Единоро́дный Сы́не Бо́жий, Иису́се Христе́,/ вся прему́дростию Твое́ю в нача́ле сотво́ршаго/ и челове́ческий па́дший род от ве́чныя сме́рти// всеми́лостивно искупи́вшаго.

Источник: http://diak.ortox.ru/*_gospodu_i_krestu/view/id/7118

Час третий

Иерей: Благословен Бог наш, всегда, ныне и присно и во веки веков.

Чтец: Аминь. Слава Тебе, Боже наш, слава Тебе.

Царю́ Небéсный, Утéшителю, Ду́ше и́стины, Иже вездé сый и вся исполня́яй, Сокрóвище благи́х и жи́зни Подáтелю, прииди́ и всели́ся в ны, и очи́сти ны от вся́кия сквéрны, и спаси́, Блáже, ду́ши нáша.

Святы́й Бóже, Святы́й Крéпкий, Святы́й Безсмéртный, поми́луй нас. (Трижды)

Слава Отцу и Сыну и Святому Духу, и ныне и присно и во веки веков. Аминь.

Пресвятáя Трóице, поми́луй нас; Гóсподи, очи́сти грехи́ нáша; Влады́ко, прости́ беззакóния нáша; Святы́й, посети́ и исцели́ нéмощи нáша, и́мене Твоегó рáди.

Господи, помилуй. (Трижды) Слава, и ныне:

Отче наш, Иже еси́ на небесéх! Да святи́тся и́мя Твóе, да при́идет Цáрствие Твóе, да бу́дет вóля Твоя́, я́ко на небеси́ и на земли́. Хлеб наш насу́щный даждь нам днесь; и остáви нам дóлги нáша, я́коже и мы оставля́ем должникóм нáшим; и не введи́ нас во искушéние, но избáви нас от лукáваго.

Иерей: Яко Твоé есть Цáрство, и си́ла, и слáва, Отцá, и Сы́на, и Святáго Духа, ны́не и при́сно, и во вéки векóв.

Чтец: Аминь. Господи, помилуй. (12 раз)

Слава Отцу и Сыну и Святому Духу, и ныне и присно и во веки веков. Аминь.

  • Прииди́те, поклони́мся Царéви нáшему Бóгу.
  • Прииди́те, поклони́мся и припадéм Христу́, Царéви нáшему Бóгу.
  • Прииди́те, поклони́мся и припадéм Самому́ Христу́, Царéви и Бóгу нáшему.
  • Псалом 16

Услы́ши, Го́споди, правду мою, вонми́ моле́нию моему, внуши́ молитву мою не во устна́х льсти́вых. От лица Твоего судьба моя изы́дет, очи мои да ви́дита правоты́. Искуси́л еси́ сердце мое, посетил еси́ но́щию, искуси́л мя еси́, и не обре́теся во мне неправда.

Яко да не возглаго́лют уста́ моя дел челове́ческих, за словеса́ усте́н Твоих аз сохрани́х пути́ же́стоки. Соверши́ стопы́ моя во стезя́х Твоих, да не подви́жутся стопы́ моя. Аз воззва́х, я́ко услы́шал мя еси́, Боже, приклони́ ухо Твое мне и услыши глаго́лы моя.

Удиви́ ми́лости Твоя, спаса́яй упова́ющыя на Тя от проти́вящихся десни́це Твоей. Сохрани мя, Го́споди, я́ко зе́ницу о́ка, в кро́ве крилу́ Твоею покры́еши мя. От лица нечести́вых, остра́стших мя, врази́ мои душу мою одержа́ша. Тук свой затвори́ша, уста́ их глаго́лаша горды́ню.

Изгоня́щии мя ныне обыдо́ша мя, очи свои возложи́ша уклони́ти на зе́млю. Объя́ша мя яко лев готов на лов, и яко ски́мен обита́яй в та́йных. Воскресни́, Го́споди, предвари́ я́, и запни́ им, изба́ви душу мою от нечести́ваго, оружие Твое от враг руки Твоея.

Го́споди, от малых от земли раздели я́ в животе́ их, и сокровенных Твоих исполнися чрево их, насы́тишася сыно́в, и оста́виша оста́нки младе́нцем своим. Аз же правдою явлю́ся лицу Твоему, насы́щуся, внегда́ яви́ти ми ся славе Твоей.

Псалом 24

К Тебе́, Господи, воздвиго́х ду́шу мою, Боже мой, на Тя упова́х, да не постыжу́ся во век, ниже́ да посмею́т ми ся врази́ мои, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя, Господи, скажи́ ми, и стезя́м Твоим научи́ мя. Наста́ви мя на и́стину Твою, и научи мя, я́ко Ты еси́ Бог Спас мой, и Тебе терпе́х весь день.

Помяни́ щедро́ты Твоя, Господи, и милости Твоя, яко от века суть. Грех ю́ности моея́, и неве́дения моего не помяни́, по милости Твое́й помяни́ мя Ты, ради бла́гости Твоея́, Господи. Благ и прав Господь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Своим.

Вси путие́ Господни милость и и́стина, взыска́ющым заве́та Его́, и свиде́ния Его. Ра́ди и́мене Твоего́, Господи, и очи́сти грех мой, мног бо есть. Кто есть челове́к боя́йся Господа? Законоположи́т ему на пути́, его́же изво́ли. Душа его во благи́х водвори́тся, и семя его насле́дит зе́млю. Держа́ва Господь боя́щихся Его, и заве́т Его яви́т им.

Очи мои́ вы́ну ко Господу, яко Той исто́ргнет от сети но́зе мои. При́зри на мя и помилуй мя, яко единоро́д и нищ есмь аз. Ско́рби се́рдца моего умно́жишася, от нужд моих изведи́ мя. Виждь смире́ние мое, и труд мой, и оста́ви вся грехи́ моя. Виждь враги́ моя, яко умно́жишася, и ненавиде́нием непра́ведным возненави́деша мя.

Сохрани́ ду́шу мою, и изба́ви мя, да не постыжу́ся, яко упова́х на Тя. Незло́бивии и пра́вии прилепля́хуся мне, яко потерпе́х Тя, Господи. Изба́ви, Боже, Изра́иля от всех скорбе́й его.

Псалом 50

Поми́луй мя, Боже, по вели́цей милости Твоей, и по мно́жеству щедро́т Твоих очи́сти беззако́ние мое. Наипа́че омы́й мя от беззако́ния моего́, и от греха́ моего очи́сти мя. Яко беззако́ние мое аз знаю, и грех мой предо мною есть вы́ну. Тебе Еди́ному согреши́х и лука́вое пред Тобою сотвори́х, яко да оправди́шися во словесе́х Твоих, и победи́ши, внегда́ суди́ти Ти.

Се бо в беззако́ниих зача́т есмь, и во гресе́х роди́ мя мати моя. Се бо и́стину возлюби́л еси́, безве́стная и та́йная прему́дрости Твоея яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое от грех моих и вся беззако́ния моя очи́сти.

Сердце чи́сто сози́жди во мне, Боже, и дух прав обнови́ во утро́бе моей. Не отве́ржи мене́ от лица Твоего, и Духа Твоего Свята́го не отъими́ от мене́. Возда́ждь ми радость спасения Твоего, и Духом влады́чним утверди́ мя. Научу́ беззако́нныя путе́м Твоим, и нечести́вии к Тебе обратя́тся. Изба́ви мя от крове́й, Боже, Боже спасения моего, возра́дуется язык мой правде Твоей.

Господи, устне́ мои отве́рзеши, и уста́ моя возвестя́т хвалу́ Твою. Яко аще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Богу дух сокруше́н: сердце сокруше́нно и смире́нно Бог не уничижи́т. Ублажи́, Господи, благоволе́нием Твоим Сио́на, и да сози́ждутся сте́ны Иерусали́мския.

Тогда́ благоволи́ши же́ртву правды, возноше́ние и всесожега́емая: тогда возложа́т на олта́рь Твой тельцы́.

Слава Отцу и Сыну и Святому Духу, и ныне и присно и во веки веков. Аминь.

  1. Аллилу́иа, аллилу́иа, аллилу́иа, слава Тебе, Боже. (Трижды)
  2. Господи, помилуй. (Трижды)
  3. Слава: тропарь дня.

И ныне: Богородице, Ты еси́ лозá истинная, возрасти́вшая нам Плод животá. Тебе мóлимся: моли́ся, Владычице, со святы́ми апóстолы, помиловати ду́ши наша.

  • (Если Великий пост, — настоящий тропарь,глас 6:
  • Господи, Иже Пресвятáго Твоего Духа в третий час апóстолом Твоим низпослáвый, Того, Благи́й, не отыми́ от нас, но обнови́ нас, моля́щих Ти ся.
  • Стих 1: Сердце чисто сози́жди во мне, Боже, и дух прав обнови́ во утробе моей.
  • Стих 2: Не отвéржи менé от лица Твоего, и Духа Твоего Святáго не отыми от менé.
Читайте также:  Краткая молитва к Богу Отцу об избавлении от искушений

Слава, и ныне. Богородичен: Богородице, Ты еси́ лоза истинная…)

  1. Господь Бог благословéн, благословéн Господь день дне, поспеши́т нам Бог спасéний наших; Бог наш, Бог спасати.
  2. Трисвятое. И по Отче наш:
  3. И кондак дня, святого или праздника.
  4. (Если пост, или нет кондака, читаем эти тропари, глас 8:
  5. Благословéн еси́, Христе Боже наш, Иже прему́дры ловцы́ явлéй, низпослáв им Духа Святáго, и теми уловлéй вселенную, Человеколю́бче, слава Тебе.

Слава: Скорое и извéстное даждь утешéние рабóм Твоим, Иисусе, внегдá унывáти духóм нашим, не разлучáйся от душ наших в скóрбех, не удаляйся от мыслей наших во обстóяниих; но при́сно нас предвари́. Прибли́жися нам, прибли́жися, везде Сый, якоже со апостолы Твоими всегда еси́, си́це и Тебе желающим соедини́ Себе, Щéдре, да совоку́плени, Тебе поем и славослóвим Всесвятáго Духа Твоего.

  • И ныне: Надежда и предстáтельство и прибéжище христиан, необори́мая стена, изнемогáющим пристанище небу́рное Ты еси́, Богородице Пречистая; но яко мир спасающая непрестáнною Твоею молитвою, помяни́ и нас, Дево всепéтая.)
  • Господи, помилуй. (40)
  • Иже на всякое время и на всякий час, на небеси́ и на земли покланя́емый и слáвимый Христе Боже, долготерпели́ве, многоми́лостиве, многоблагоутрóбне, Иже праведныя любя́й, и грешныя ми́луяй, Иже вся зовы́й ко спасению обещания ради будущих благ, Сам, Господи, приими́ и наша в час сей молитвы, и исправи живот наш к зáповедем Твоим, души наша освяти́, телеса очисти, помышления исправи, мысли очисти, и избави нас от всякия скóрби, зол и болезней, огради нас святыми Твоими Ангелы, да ополчéнием их соблюдáеми и наставля́еми, достигнем в соединение веры, и в разум непристу́пныя Твоéя славы, яко благословен еси́ во веки веков, аминь.
  • Господи, помилуй. (Трижды)

Слава Отцу и Сыну и Святому Духу, и ныне и присно и во веки веков. Аминь.

  1. Честнéйшую Херуви́м и слáвнейшую без сравнения Серафим, без истлéния Бога Слова рóждшую, сущую Богородицу Тя величаем.
  2. Именем Господним благослови, отче.
  3. Иерей: Моли́твами святых отец наших, Господи, Иисусе Христе, Боже наш, поми́луй нас.
  4. Чтец: Аминь.
  5. Молитва святого Мардария
  6. Влады́ко Боже Отче Вседержи́телю, Господи, Сы́не Единорóдный Иисусе Христе, и Святы́й Ду́ше, едино Божество, едина сила, помилуй мя грешнаго, и и́миже вéси судьбáми, спаси мя, недостойнаго раба Твоего, яко благословен еси́ во веки веков, аминь.

Источник: https://ms.pravoslavie.ru/109929.html

Читать

Заповедь апостола: непрестанно молитесь (1 Фес. 5: 17) – идеал монашеского делания – трудно осуществима в жизни простого человека, наполненной ежедневными и ежечасными заботами о хлебе насущном, о близких, о земном благоустройстве. Исходя из этого Святая Церковь в разные исторические периоды предлагала различные способы молитвенного наполнения суток.

В одном из важнейших центров богослужебного творчества – Иерусалиме – сформировались чинопоследования, освящавшие все вехи суточного круга: посреди ночи – полунощница, на восходе – утреня, перед выходом на работу – первый час, в разгар трудового дня – третий час, в полдень перед обедом – шестой час, в начале вечера – девятый час, на закате – вечерня, после ужина (вечери) – повечерие; все эти последования вошли в Часослов – книгу, которая до сих пор используется в церковном богослужении. Столь интенсивный порядок служб, предназначенный для палестинских монастырей, был не под силу обычным прихожанам – люди просто не могли 8 раз в сутки собираться в храме, отрываясь от повседневных дел. Со временем выработался более удобный для народа порядок приходского богослужения: в храме служатся лишь вечерня с девятым часом перед ней, утреня в соединении с первым часом и часы третий и шестой, совершаемые непосредственно перед Литургией, если она есть. А полунощница и повечерие, легшие в основу знакомых нам утреннего и вечернего молитвенных правил, предлагаются к исполнению по домам, «келейно». В результате этих изменений, как ни печально, была утрачена привязка чинопоследований ко времени суток, причем как в храмовом, так и в домашнем богослужении: в храме утреню часто служат вечером, вечерню – ранним утром (например, в Великий пост), а чтение домашнего утреннего правила, содержащего полунощные тропари, может быть отсрочено чуть ли не до полудня.

Сегодня ежедневное молитвенное делание мирян ограничивается утренним и вечерним правилами. Повторяемые из раза в раз они, по немощи человеческого естества, постепенно теряют свое воздействие на душу, оставляя ум и сердце незатронутыми теплотою молитвы.

В то время как устав суточного богослужения, помимо разнообразия по времени, предлагает нам и различное содержательное наполнение молитвословий в зависимости от дня недели и года – в Церкви каждый день недели имеет свое посвящение, а по годовому кругу распределены периоды праздников и постов.

Таким образом, великое множество возвышенных и поэтичных молитвенных текстов различных авторов, собиравшееся в течение столетий в богослужебные книги, именуемые Октоих, Минея и Триодь, остается неизвестным рядовому прихожанину.

Предлагаемый молитвенный сборник призван хотя бы отчасти восполнить этот пробел и предоставить возможность православному христианину, опираясь на богослужебный строй Церкви, освятить особой молитвой любое время суток, всякий день недели и все праздничные периоды года.

В основу сборника положены неизменяемые последования суточного круга, взятые из Часослова, – они составляют первый раздел книги.

По аналогии с богослужебной практикой эти последования могут быть дополнены изменяемыми текстами седмичного (т. е. недельного) и годового круга (второй и третий разделы).

Для этого была подготовлена первая в своем роде подборка наиболее выразительных текстов из Октоиха, Минеи и Триоди.

Наш сборник остается открытым в отношении практики домашнего чтения Священного Писания и разнообразных келейных молитвословий: в последованиях указаны наиболее подходящие места для чтения Псалтири, ветхозаветных, апостольских и евангельских чтений, канонов, акафистов и молитв по выбору молящегося.

В издание также включен раздел, содержащий дополненные последования ко Святому Причащению и после него, последования о болящем, об усопшем, о православных правителях (двупсалмие из Часослова) и помянник ежедневный. Большая часть молитвословий этого раздела заимствована из старопечатного Канонника и знакомит читателя с богатой древнерусской молитвенной традицией.

Последования суточного круга адаптированы для совершения мирянами: опускаются все молитвословия, предполагающие участие священника и хора. Для простоты домашнего употребления стихирные циклы на вечерне и утрене предлагается прочитывать после соответствующих псалмов.

Составители всячески пытались избежать повторов как внутри последований, так и во всей книге. В частности, молитва Господня «Отче наш» (Мф.

6: 9-13) – центральная во всех отношениях – приводится по одному разу в каждом из последований, а псалом 50-й читатель встретит один раз в третьем часе (как пророческий о даровании Святого Духа и лежащий в основе тропаря этого часа) и один раз в повечерии (как наиболее приличествующий покаянному настроению в конце дня).

При составлении сборника и при выборе способа подачи материала мы учитывали весьма разнообразные по составу молитвословы, используемые в грекоязычных Поместных Православных Церквах, – а это добрая половина православного мира, – и богослужебные книги Русской Православной Церкви: Часослов, Великий Часослов, Канонник, Следованную Псалтирь. Несколько малоизвестных последований и текстов заимствованы из русских церковных старопечатных изданий с необходимой адаптацией их архаичного языка к принятым сегодня церковнославянским нормам.

Настоящий молитвенный сборник представляет лишь один из многих способов совершения ежедневной молитвы.

Предлагаемый порядок чинопоследований ни в коей мере не призван заменить собою участие в общественном богослужении, особенно в воскресные и праздничные дни.

В то же время молитвослов составлен таким образом, что он может быть использован как в частном порядке – дома, в пути, на месте работы, так и в молитвенном собрании верующих в храме, часовне или молельной комнате – в случае отсутствия священника.

Один из основных принципов сборника – неизменяемые суточные молитвословия дополняются изменяемыми седмичными или праздничными песнопениями. При этом максимальное разнообразие молитвенных текстов в зависимости от дня недели или праздничного периода приходится на вечерню и утреню.

Особые последования (ко Святому Причащению, о болящем и усопшем) по желанию молящегося могут быть совершены отдельно либо в составе суточных последований: каждый элемент – на своем месте (подробные инструкции см. в примечаниях в начале последований).

При желании можно дополнить последования чтением Псалтири, ветхозаветных и новозаветных текстов, а также канонов, акафистов и молитв из привычных правил – кому что ближе и действеннее. Указанные в последованиях места для этих чтений не означают, что дополнение обязательно, оно лишь возможно.

Издание, которое вы держите в руках, предлагает примерную подборку текстов из Октоиха, Минеи и Триоди. Всякий, кто имеет в своей библиотеке эти книги, может, используя предложенный нами метод, самостоятельно разнообразить свое домашнее молитвенное правило.

Главным является не порядок и не количество прочитанных за день последований, а соответствие последования своему времени суток. Таким образом будет достигнута изначальная цель – освящать молитвой всякий час дня и ночи.

Так, полунощницу следует совершать посреди ночи или под утро, если еще не рассвело. Утреню – начинать незадолго до рассвета или сразу после него, чтобы слова «Слава Тебе, показавшему нам свет» сопровождали восход солнца. Вечерняя песнь «Свете тихий» (т. е.

неяркий) должна приходиться на закатный час, когда на улице смеркается и в домах зажигают светильники. Повечерие, по смыслу самого слова, читается после вечери – ужина.

Определить время остальных часов можно в связи с завтраком и обедом: час первый – перед завтраком, третий – между завтраком и обедом, шестой – перед обедом, девятый – между обедом и началом вечерних сумерек (в разное время года промежутки между последованиями будут различаться).

Источник: https://www.litmir.me/br/?b=623546&p=10

Ссылка на основную публикацию